تركتيني وانا بعدك أسطر صفحة الحرمان

قصيدة تركتيني

تركتيني أذل نفسي لجل أسترجي النسيان
يمر بخاطري لحظه ويمحي لوعة سنيني
تركتيني وانا بعدك أسطر صفحة الحرمان
غدت (خفجه) يبللها نزيف ٍ من دمع عيني
على شان الوليد اللي تيتّم والعمر ريّان
تعايا بيننا منهو صدوق ٍ , واحتمى فيني
أنا كلّي صبر لكن أسكّر مؤذي البيبان
أبي أقسِم خطاه الحي ما بينه وما بيني
شراع الأمس ما رفرف ولا غادر كثير أحيان
برغم البعد والفرقا يوسوس قبضة ايديني
ورفرف هالشراع الحر من صوبك , غدا فلتان
يِذكّر كل من ينظر عذابه , قسوة البيني
وغادر مركب اهمومي يودّع حظّي التعبان
وحتّى هالثنين أحباب ! , فرقاهم تواسيني
غريبة بهالزمن عاشق , وهو يدري الطيور ألوان
بنات اليوم يا قلبي لهم هالواو والعيني
تركتيني وذا مركب غرامي عانق الشطآن
وجد إن الوجود أحلى بعد منتي تركتيني!

منقوله لكم