صرآط الغرآم

ودك تحب بقلب وإن فارقت . ؟
.......ودك تفارق وإنت مالك قلب !

شمسي اللي تباطتني بكحل الظلام
....... سرمدة ليلي .. اللي فارقتْه النجوم


يبخل الصبح حتى عن سراب الهيام
....... ضامي .. وكل يوم أقول بكره بصوم


بلغوا عني أسوار المدينه .. سلام
....... ما لها في مواصل طيف حزني لزوم


يا حبيبي .. لو أشره بالعتب ما تلام
....... منت قد المعاتب ، .. مير ماني كتوم


لا تجامل إذاني قلت : ماني تمام
....... ولو ترد بلسان الحال لتقول : دوم !


كان زلّت رجولك عن ( صراط الغرام )
....... ما تزل المبادئ ، والقيم ، والسلوم


هذا أنا يا حبيبي كل ما رحت أنام
....... أتقلّب عشر ساعات وأزعل وأقوم


خذ من الوجد ما يكفيك تسعين عام
....... وخذ من الشوق ما يرضيك في كل يوم


قول للناس : شوفوا عاشقي يا أنام
....... كل ما تفخر بحزني تطيح الهموم


ما تعشمتك إحساس وغلا وإنسجام
....... كنت حاسب حساب إن كنت منت برحوم


ليت مالي عيون يبان فيها الكلام
....... وليت عندي لسان أثرم قليل العلوم


وليت كل الهموم أظغاث حلم المنام
....... لا غشتني نغزني واحد وقال : قوم !

ماتت الناس ؟ ولاّا مات الأحساس ؟ .......
الزمن ... مابقى به شيّ ... فارق

والله إن الهموم أوفى مـن النـاس ......
ما تكـذّب علـيّ ... وماتفـارق !