دروب النشامى >

مع هل الهجن الاصايل لو بغيت اسوق ريمـه

ماتـردد خابـرٍ ريمـه تبـي تطلـع بيـدهـا

احتزم فـوق الشـداد ونيتـي دايـم سليمـه

ومع رجال العرف في الميدان اوصلها جهدهـا

واترك الدرب العوج واعطى الدروب المستقيمه

أتخيّر فـي المماشـي والعلـوم ادرى نقدهـا

لو ماميّز في حساب خطاي ماجبـت الوسيمـه

ولابنيت ام الربـاع اللـي رفيعـاتٍ عمدهـا

واخذ الحكمه من افـواه المشاكيـل الحكيمـه

من يماشيهم على وضح النقـا فـاز بسندهـا

خوة اهل الدين والحكمه تراها اكبـر غنيمـه

طمعة اللي يطلـب الامجـاد والجاهـل فقدهـا

ولايوصلـك الامـور الكايـده كـود العزيمـه

والتخاذل والكسل عين الفتـى يعمـي بردهـا

مع كريمين الايـادي قلّـط اليمنـى الكريمـه

والجمايـل مدهـا جزلـه ولاتحصـي عددهـا

الـردي لـو مـد مـده مدتـه دايـم يتيمـه

بيضةٍ من ديك جت مـره ويمكـن ماقصدهـا

وان نصاك الضيف رحب به وعجل بالوليمـه

كمل حقوقه وسـل ام المكـارم مـن غمدهـا

باشـره بالطيـب والدلـه وبعلـومٍ حشيمـه

وابتسم له والعلـوم الغانمـه سقهـا وقدهـا

وانتبـه للجـار عينـك لاتنصيهـا حريـمـه

لاتضلي كـل مابانـت ولنـك فـي نصدهـا!!

الخيانـه يالسنافـي للقصيـر اكبـر جريمـه

ياعسى عينٍ تخادع جارهـا يطـول سهدهـا

والخوي حقـه مبـدا فـي التقاليـد القديمـه

اعرف حقوق الخوي من النشامـا واعتمدهـا

وانتبـه لاتنقـل الغيبـه وتمشـي بالنميمـه

والشهاده بالظليمه زوّر يقمـح مـن شهدهـا

ولاتجي في مجلسٍ جملـة سواليفـه عقيمـه

ثم تصير اللي تحـت خفينهـا يبغـى نهدهـا

ولاتقـرب للعـدود ام الدغاليـب المهيـمـه

واعرف ان اللي قربهـا لوتحاشاهـا وردهـا

ومن برك في مبرك الاجرب يشيله في بريمـه

والله لتطلـع عليـه الشمـس ليلـه مارقدهـا

والصديق اللي ليا جت حاجتـه ذب الخريمـه

صحبته لو انها اكبر من كرى عجـلٍ هددهـا

واعلم ان اللاش بنته كنهـا الـدار الوخيمـه

لايغرك زينها تـرى الرخامـه فـي جسدهـا

زينها مثل الغطـا يستـر خفاياهـا الذميمـه

واعرف انه مثل والدهـا يبـي يطلـع ولدهـا

واخذ حقك عن طريق الحق ماهـو بالظليمـه

حل بالحجـه عقـود الخصـم لامنـه عقدهـا

جابهه وقـت المجابـه وان وليتـه لاتضيمـه

احسب احسابك قبل روحـك يوافيهـا وعدهـا

وخيرها صلوا على احمد عد ماذعذع نسيمـه

وعد وبل المزنه اللي برقهـا يسبـق رعدهـا

مما راق لي ..