تحيه حار لك ايها الشباب من جد كلام في الصميم

تحيه حار لك ايها الشباب من جد كلام في الصميم

مشكلة ! والحل ضايع ! مشكلة وش تعني لك كلمة مشكلة ! انا اقول لكم على فكرة كاتب الموضوع وانا معصب شوفوا لـ الشباب حل ! خلاص ملينا مشكلة لما تكون عندنا مشكلة وبدل ما نبحث لها عن حل نكبر المشكلة حتى يكبر حلها ويصعب علينا ! يعني لما نشوف الإعلام بشتى وسائله يمسك لك مشكلة صغيرة ويحطها تحت مجهر الكتروني حتى يعم السواد على نظرة التفاؤل ! لدى المجتمع زي الاخبار اللي ما تخفى عليكم حفظنا السيناريو القبض على شاب وفتاة في خلوة محرمة ! وتقرا

الخبر تبي تشوف التفاصيل لقد قام شاب بإبتزاز فتاة عقب ان اعطاها الرقم واتصلت عليه ولقد قام هذا الذئب بستغلال عاطفتها و..... إلخ من الكلام الفاضي اللي ماله سنع حاجة ثانية قيادة المرأة في السعودية اصبحت حلم من الحلام اللتي لا تتحققالفتاوى الدينة اصحبت مثل لعب البلوت العنف

ضد المراة زواج القاصرات نور ولميس والمسلسلات التركية

يعني حاجات غبية غريبة نوعا ما اغلب مواضيعهم المرأة والمرأة والمرأة

والفتاة والمجتمع

طيب تعالوا نشوف الشباب وش قالوا عنهم عمرك سمعت ان فتحو مجال توظيف الشباب عمرك شفت اعلان لصندوق دعم المشاريع الصغيرة عمرك شفت شاب تخرج من الثانوي ولقى وظيفة الحين يتخرج من الجامعة ماكل تبن ومنطق في بيتهم خلو هذا كله من اللي قرا عن اعتصام واحتجاج خريجين كلية المعلمين تكلم التلفزيون عنهم تكلمت الجرايد ناس

بعز الظهر يغمى عليها ولا عندك احد ! بينما خل ابو يأدب بنته بكم كف تقوم الدنيا وتقعد حقوق انسان ومنظمات دولية ويمين ويسار وتقوم قضايا وماحكم وكل السالفة كف فقط

لا غير يعني حقوق الانسان فالحة ع البنات ام احنا يالشباب حيوانات مثلا

! سؤالي متى نتقدم اذا ما زالت عيونا ع الفروع الصغيرة اللتي نحتاج إلى

مجهر لتكبيرة ونحتاج إلى معقدين يعقدون لنا الحل يعني مشاكل تافهه ينظر لها بجدية صراحة شي مخجل خلاص

مسكت شاب وفتاة يا خي انصح كل واحد منهم وانتهينا العنف الاسري ياخي وش عليك هذي اسرته وهو حر طق البنت ابوها ويمون عليها او الزوج طق زوجته عايدي بكره يصلحون او يتطلقون قيادة المرأة قل اللي تبي تسوق تراجع مرور دلة او قل لهم مننوع ولا احد يفتح الموضوع هذا يعني كل بيت عنده ثلاث سيارات وعيالهم كثار ومع ذلك جايبين سواق

اللي لهم ضروفهم الله يلطف بهم ! والمشاكل اللي جتنا من ورا هالدراما يا خي غير المحطة وإلا حذفها وريح عمرك انتهت المشكلة وشو له نكتب عنها ونحط برامج

ونكتب مقالات ونطبع جرايد ! الحين لما بتقول لهم احنا الشباب نبي مجمعات خاصة فينا يقولون لا طيب ليه ؟ ما وراكم ربح ! طيب دخلونا المجمعات يقولون لا طيب ليه ؟ المجمعات للعوائل اللي يقهرك يجون شلة بنات ويدخلون تجي انت يقولون لك لازم عائلة طيب البنت لما بتدخل ليه ما قلت لها جيبي عائلة ؟!

انا ما ابي المجعات لكن اضرب مثال ..المكان الترفيهي الوحيد اللي بالرياض الثمامة وإلا المخططات حتى المخططات تمتلي من هالمبزرة والعوائل وحتى الثمامة تنشب لك الهيئة الله يعزها ويوفقها ويخليها لنا اللهم آمين واحلى شي اذا جاك المطوع وقال لك ( كلكم شباب ) صحيح احنا جانا مطوع وقال هذا عددكم قلنا ايه قال يعني كلكم شباب أنا ما ادري هو شايف احد احنا ما شفناه او مدري وش يحس به وقتها الله يحفظة ويوفقه

! وحتى التفحيط تجيك الدوريات تقول لك لا تفحط عشان ما تزعج العوائل وإلا انت يالشاب فحط ومت براحتك شباب يموتون بالهبل من التفحيط ولا شفنا حقوق الإنسان وغيرهم من المهايطيه اللي ينتظرون زلة المرأة في المجتمع وخذ لك هياط أنا ما قهرني إلا وحدة تقول المرأة السعودية مظلومة من المجتمع وهي المرأة المظلومة في العالم لأنها لم تحصل على كافة حقوقها والمذيع يسلك لها يقول نعم نعم اختي مشكورة ع المداخلة اي حقوق اللي يبونها دعاة اللي ما ني بقايله يبون البنت تخاوي صبيان عشان تآخذ حقوقها او يبون شرف البنت يضيع عشان تآخذ حقوقها أو يبون فساد المجتمع وانتشار الرذيلة عشان تآخذ حقوقها أو يبون يجردونها من عبايتها السودا عشان تآخذ حقوقها أو فيه احتمال واحد وهذا هو اللي أكيد !

عشانهم منقهرين من اللي صانها الله وحفظها اللي تمسكت بدينها وبشرع الله اللي تحس انها في بيتها جالسه بالجنة اللي لأمها باره ومطيعة واللي لربها عابدة ولآومره ونواهية مطيعة ومجتنبه ! فكونا من المرأة وانتبهوا لنا يالشباب والعذر والسموحة ان كان غلطنا على احد وكل له الفضل بعد الله سبحانة سواء كان الرجل أو المرأة ولكن اللي قاعدين نشوفة يخلينا نطرح سؤال الشباب وش موقعهم من الإعراب في المجتمع ؟!

المواضيع المتشابهه:

• منتدى اوراق من ذائقتكم | مشاركات: 3">روائع الشعر العراقي/اديب كمال الدين/ما اسمك ايها الشاعر

الموضوع الأصلي: تحيه حار لك ايها الشباب من جد كلام في الصميم || الكاتب: الملقوفه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات