( حــيـــاتـــي )

= ( عمري بقايا جرح وآهات وأحزان )
= (عمري سنين بائسه ما أرحمتني )
= (عمري ألم غربه مع جور الازمان )
= (عمري سراب والصحارى خذتني )
= (عمري قضيته بين خاين وخوان )
= (أخلصت حبي والقلوب أخدعتني )
= (عشت بزمن كله خيانه وحقران )
= (وحتى القلوب الطيبه ما انصفتني )
= (وفيت أنا للكل واصبحت غلطان )
= (أعطي وهالدنيا ابد ماعطتني )
= (كلي جروح وداخلي قلب ضميان )
= (أشرب همومي والالم فوق متني )
= (ماني على شئ أبد صرت ندمان )
= (غير أني أوفي ودنيتني اتعبتني )
= (ليه السؤال ؟ وعمري اليوم عنوان )
= (عنوان لجروحي ودنيا شقتني )
= (عمري فراق وهم بقايا انسان )
= (عمري سنين بالاسى عذبتي)
= (عمري ضلام وحزن وجروح خلان )
= (خلي ظلمني ودمعتي احرقتني )
= (عمري سجين وضحكتي خلف قضبان )
= (مظلوم في دنيا رديه اظلمتني )
= (عمري زهر بس للأسف صار ذبلان )
= (وكل البحور بكبرها ماسقتني )
= (عمري مع جرحي سوى مثل الاخوان )
= (أعشق جروحي دامها مانستني )
= (ياللي بتسألني ترى الجرح ماصان )
= (الا جروحا وسط قلبي غزتني )
= (وعيوني اللي دمعها فوق الأوجان )
= (دموع من ظلم الحبايب كوتني )
= (هذا العمر عمري ومافيه نقصان )
= (أصبحت شايب ودنيتي دمرتني )
= (خلاص برحل .. والسبب كثر الأحزان )
=( وقلوب ناس ظالمه ما أرحمتني ).