كنت آبرسم قلب لكن مآيصير في زمنآ آلقلب [ لآزم ينكسر ] !

[ مدخل ]

{ لا صآر ودِك فِي هالزمآن تِعيش وبرآحة ضمِير
سكر عليك أبوآب صمتك والتحف ثوب الغيآب .. ~

ليلة ٍ ما عدت عيوني بخير ،
كنت اشوفك (غيم) واشواقي مطر

والهوا يجذبني لعيونك واطير
واندثر في عينك الخجلا .. وامر :

يم قلب ٍ كنت أحسبه لي .. مير
حظي الاقشر وقف لي .. والقدر !

كنت جالس وأبني الحلم الصغير
وكنت أكتب كلمة ٍ ف أول سطر !

كنت ابرسم قلب ، لكن ما يصير ..
في زمنّا القلب لازم ينكسر !

كنت انوّر دربك اللي ما ينير ،
كنت انا بالنسبه لك .. ضيّ القمر !

كنت لك (حلمٍ) تعلّق ف المصير ..
ويوم مات أسرجت له قاف الشعر !

وحلمي اللي قطّعه سيف ٍ شطير ،
يرحم الله حلمي اللي إنقهر !

شلت (نفسي) وناوي بنفسي أسير
بس أحس إني بلاد مْن القهر !

كيف يقوى يقتل الحلم الكبير ،
ما يحس ! لو مرّت ايام وشهر ..

ميّت احساسه ! يقول إنه أمير
ما درى إنه واصل ٍ حدّ الفقر !

قولوا إني في غيابه صرت طير
وكل حلم ٍ في غيابه إزدهر !

وقولوا إني في غيابه صرت طير
وكل كسر ٍ في غيابه إنجبر

قولوا إني ... ولا قولوا : يا صغير
يا حسافه يوم أهدى لك عمر !

كنت أقول اني بحياتك شي غير ،
مادريت إني مثل ( طيف ٍ يمر )

[ مخرج ]

العزاء : ماهو ليا ماتوا بعِزه
... العزاء :
....... || موتة العِزه .. بداخلنا .... ولكن / باحترام ّ!