[read]
تعال ياسكر نبات العشق ياملح القصــيد
غيبتك لي مده وانا اغني على طاروقها
قصيدة(ن) موالها تهتز له خظر الجريـــــد
ترخي هماليل المزون اللي تلوح بروقها
ماهي دراما اومسلسل تكتبه فجر السعيد
مشاعر(ن) تليق بي وانت وغلاك تلوقهــا
ناديت لك وانت القريب من المحاني والبعيد
وسقت القدم والا لغيرك مستحيل اسوقهــا
ومديت لك كف الرضا والعشق والعمر الزهيد
ومدلـــلك مثل الرجــــال اللـي تدلـل نوقهــا
تعال قربك عيد والبعد ضربه من حديـــــد
يامن تشب النار بغيابي وانا اطى فوقها
اشعلت بردي في دفاك وذابت امواج الجليد
اللي شواطيها تحرا فيّتك وشــــــــــروقها
وكتبت فيك اغلى القصيد يفيد والا مايفيد
ابيات لاغنيتها تـــروق لي واروقـــهـــا
احايل رفقتك والعمر ينقــــص مايـــــزيد
سنين ادوّر رفقة اللي رفقته مابـــوقـها
تعال وافعل ماتبي والله يفعل مايـــريد
اترك كلام اللي على السيره تبل حلوقها
[/read]
منقولهــ
للمبدع محمد مريبد
العرض الشجري
