البارحة ماذقت ماذاقو الناس

[poem=font=",6,black,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/198.gif" border="outset,5," type=0 line=0 align=center use=ex num="0,black""]
البارحة ماذقت ماذاقو الناس=مجمع ٍ بالصدر هم وهواجيس

كني عليل مسهره ضرس الاضراس=والا فطيم فاقدٍ لذة الديس

لادك في قلبي من الهم هوجاس=حطيت فوق النار زين المحاميس

وحمست مايجلي عنا الهم وعماس=بنٍ من النيبار يجلا الحواسيس

يشبه خضاب منقشت زرق الالعاس=اللي تخضب كفها بالقراطيس

اسهر على الدلة وماصب بالكاس=وتاخذ عليّ هجوس بقعا مراويس

اسباب من عينه كما عين قرناس=عين الحرار من الوحوش القرانيس

تنهضت للجول بالقفر غطاس=وعقب الطرب حطت عليهم نواعيس

لا وهنى من هرجه عقب الارماس=علي ظهور مرودمات النسانيس

هجن ٍ لفا من يم ديرة بني ياس=بواطن تزها جديد الملابيس

اخذلهن مع جلعد الدو مرواس=من حس صفق مضوربات النواديس

يلفن علي كنها ضبي الاطعاس=عندي ولو تلبس ثيابٍ هداريس

وذاك لو يلبس جديدات الالباس=كن الذهب فوقه نحاس وتفاليس

اهرجه عقب المغيبه من الراس=ماهو بحبرٍ فوق صاف القراطيس

واقول له ياصاحبي عدم الاجناس=خذ هرجة اللي ماهرجلك بتنجيس

وياك تاخذ هرجة اشرار الانجاس=اللي تودى الهرج مثل الاباليس

وصلاة ربي عد ماصلو الناس=على تبيٍ سيس الحق تسييس
[/poem]

"ابن شريم"