توضيح

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رواد موت و ننطح الفرس والروم=وجيوش هتلر عن بغاها نديره
وندير بوش ومابغينا من الكوم=ونصفق بعضها لابغيت بنظيره
توضيح لك يامغير العلم بعلوم=يمغير الصفحات دون المشيره
تبي لربعك علم ماهو بمقسوم=ولحدن شقابه يوم وقت المريره
ولحدن سعى فريسكم ياملا القوم=بخيل الدبش ماجابت الا الجريره
وادخل على الله بالخفى وحزت النوم=تلقى العشير بحظن بنت العشيره
وتلقى ونلقى ويستر الله بهدوم=والحظ بالي قد سعى بالستيره
دونك ترى التوضيح يلفاك مفهوم=باقلام خطتلك علومن كثيره
الي لفاه الذيب مابات محروم=عده من الضيفان شيخ الدغيره
والا لبن عياش ماياصل الوم=موفي حقوق الجار ياعز جيره
وآل الرمال وطيبهم يذكر ودوم=علمن ثبت برزخه حد الشطيره
وسمير ونياقه على قربت العوم=يردها عن ذود جاره وغيره
وخوينا شلناه خمسة عشر يوم=من صرغ جينا كلنا له جبيره
صغيرنا يوم الضنك شال زيزوم=شحاذ جنب عن ردات ومعيره
حفيا قدم يادربنا قيض وسموم=نطرد سرابً لاح عز الظهيره
ظميا وقيضه ينقل الويل مزموم=عفيت غريب ماشرب من غديره
واذكر عبكلي واعطي الناس معلوم=ماضي لنا وتاريخ مجد ومسيره
وأبطال الاسلم لارتخى كل محزوم=شدو حباله والتقى مع قريره
من هم ترى ضاري هيبات ماتقوم=واحذر هل الحيسه طفاقه تثيره
واحذر ترى حنا مثابيت وحزوم=ماحنا الرخاوي يالرخاوي الكثيره
وهذي فعايل ربعنا وتاركن كوم=ماجبتلك علم العلوم الخطيره
وعلك فهمت وصار ياهوه مفهوم=والعلم واضح جاك لاتستثيره
[/poem]