وجمعي حروفي واحرقيها بِـ كبريت

زيدي عليّ من العتب لا تباطيت
وحنّي على وصلي إذا جيت بدري


واخذي الزعل مبدأ , ولو كنت مـَ اخطيت
وان ما رضيتك . . إتركي سَمع شعري !


وجمعي حروفي واحرقيها بِـ كبريت
وارمي رماد الحرف في .....
" كفّ بحري "


وانسي غلاي ’ وقولي اني تناسيت !
لجل القهر يزداد من بعد قهري . .


لكني احبك , وتدرين بي ميت .. !
واحيا غلاك بـ جوفي اليوم سِدري


وحبك بـ يبقى لو عن الوصل صديت
وكانك هجرتيني | . . فـ شكرًا لـ هجري ‘


وان كان ما ارضاك الذي كلّي اعطيت
هذا مكان الشمس وبزوغ فجري


وهذا دفاا الاحساس من يوم حنّيت
وهذا رحابي وكل أبعااد فكري


وهذا منامي وحلمي اللي به اغفيت
وهذا حصادي من فروعي لـ جذري


............. وهذا قصيدي بيت
............ في بيت
... في بيت
وهذا انا من قلّتي لين كثري !


عاشق . . وأجهل يا ترى كيف حبيت ؟
شاعر وحاير بين أمري وأمري !


أدري عليك بـ صوت قافي توعّيت
وأدري عليك وقدرك يفوق قدري


من دون مَـ أشعر في غلاتك تماديت
ولا عاد يمدي . . بااان مدّي وجزري


والحـين قولي !
........... وأقطعي لا استمرّيت
جدب المسامع تحتري غيم سهري


مبطي ؛ وش اخباري بْـ عيونك تدلّيت ؟
ويني بـ غيابي فيك ؛ هو فاح عطري !


هذا أنـا يمّك . . وَيمّك تشا ا ا ا فيت
احكي عسى يومك بعد يوم قبري


احكي علي عن قصة الشوق لا اصغيت
كيف المشاعر داخل القلب تسري ؟


وطرّي القصيد وقولي اليوم غنّيت
وبوحي بـ سرّك لي ويصبح لي سرّي


واقري فناجيلي إلى من تقهويت
وصبّي حلاك بْـ جوف فنجال عمري


واشكي عليّ من البطا والتناهيت
وارمي بـ راسك بين .............
صدري و نحري


وامشي بْـ عيوني نور وخطاك لـ البيت
وتلحّفي رمشي وبـ جفني تذرّي


ما الهيت عنّك
............ لو تشوفيني الهيت
وما غبتي عن عيني وقلبك بـ صدري


مَـ غيرها ظروفي تحدني إذا جيت
واقول : تدرين بـ ظروفي وعذري


والحظ اقشر مـاهتنا يوم مرّيت
وادري مقصّر بك وادري
...................... وادري


احسّ فيك ان ما تحسبين حسّيت
و أقول صبرك يا بعد كل صبري


فـ ان غبت عنّك أو في يومٍ تباطيت
عندك فؤادي و اسألي '
....... وين عُمري ؟ . .