افضها سيره

بغادر الدار وقلت افضها سيره
و ان غبت ما غاب لا أسمي ولا قافي
تعبت اشوف الحزن يستوطن الديره
لا الناس ناسي ولا أهدافي هي اهدافي
الحب مرّه ولا يمكن يجي غيره
والجرح واحد وجرحك سيدي كافي
ولله ما اقولها من شك او غيره
تقال قرب و اسولف لك عن الخافي
اذا المفارق تشوفه بيننا خيره
الخيره اني اشوفك دوم متعافي
عساك طيب وربي يرزقك خيره
وان طحت مالك بهالدنيا سوى اكتافي
اذا الوفاء يبتدي منك مشاويره
انا الوفاء وقفته من حيث ميقافي
عرفت معنى الحنين وكيف تأثيره
وعرفت معني الغرام وحبي الصافي
بختم قصيدة غلاك بجملة صغيره
الوافي يبقى علي مر الزمن وافي