الشمس تحرق .. ليه يبخل ظلالك ...!

الـــحـــب لــــــو عــشــتــه وأنـــــــا مـمــتــلــي خـــــــوف
نــفــســـيـــاً أدري بـــــاخـــــر الـــــــــــدرب .. هـــــالــــــك

لا وفــــــق الله ظـــرفــــك ان كـــــــان مـــــــا يـــــــروف
وشــلــون مــــا أحــظــى لــــو بـ/ لـمـحــة خـيــالــك !

تـــعــــال .. حـــقــــي أشـــعــــر بـ/ لــــــــذة الــــشــــوف
الــشــمــس تـــحـــرق .. لـــيـــه يــبــخــل ظـــلالـــك ؟

أنـــــــا أنــتــظــرتــك عــــمــــر , وأتــعــبــنــي وقــــــــوف
عـــجــــزت أروّض .. كـــــــل حـــــــرف لـ/ ســــؤالــــك

طـمــحــت وشـفــنــي / هـــــذا أنـــــا قــايـــد صــفـــوف
ومــــا فــيــه طــامــح , مـــــا حــلـــم فـــــي وصــالـــك

شــلــت ( الــظــروف المـحـبـطـه ) فــــوق الـكــتــوف
وجــيــت بـ/ شــــرف .. مــــا هــــد حـيــلــي مـحــالــك

بـــــس الــزمـــن مـافــكــر ان حـــــنّ لــــــه ضـــيـــوف
هـــــو لـــيـــه غــرقــنّــي .. وأنــــــا عـــنـــد جـــالـــك ؟

مـــا عـــاد بـيــدي , غـيــر .. ( تـلـويـح الـكـفــوف )
روح أغــتـــنـــم دنــــيــــاك .. والــــلــــي بــــقــــا لــــــــك

لوّي .. ( عديم أحساس ) .. أو ( رجل ملهوف )
مــــــا عـــــــاد تـــفــــرق .. دام مـــانــــي حـــلالــــك !

يــــا صـاحـبــي وأن جــيــت لــــك ســايـــق حــســـوف
أنـــــت أخــبـــر بـ/ الــوضـــع .. ســـــو مـــــا بـــدالـــك

أنـا أنصـدمـت بـ/ ( حــظ .. وسـلـوم .. وظــروف )
وشــلـــون طــالـــك رجـــــل .. مـبــعــد وفـــــا لـــــك ؟

أنـــــا ( زرعـــتـــك عـــمـــر ) , وعــيــونــك تـــشـــوف

غــــدر الــزمــن .. مــــن لا تــعــب فــيـــك / طــالـــك

لـيـتـه ( جــفــا مـبـهــم ) , ولا ( عــــذر مــعــروف )

عـلــى الأقــــل مــــا أضــيــق .. لا جــــا أتـصـالــك !

عــلــى الأقــــل مــــا رحــــت أجــمـــع لـــــك حـــــروف
كـــلـــه عـــشــــان أرضـــــــي .. فــخــامـــة ســـؤالــــك

كــــف الــدمــوع , وســــوق ضـيـقــك لـ/ الــصـــدوف
وأنــــــــا لــــــــي الله , ويــــــــن أعــــيّـــــن بــــدالـــــك ؟

مـــــــن الــبــدايـــه .. لــــيــــه حــبــيــتــك بـ/ خــــــــوف
وأنــــــا مـــوكـــد .. أنـــــــك لـ/ ( ولـــــــد خـــالــــك ) !

* ضآري بن شآفعـه

الحكاية !

المشاعر لو تجيب اللي بـ صدري من كلام

______ جابتك فـ أول حكايه .. وانتهيت بكّ حكايه .!

والقصايد لو تبي تكتبّ على وصلك مرام

______ كان جيتي فالمواصل .. للعشاشيق الروايه !

ابتديتك ، لين عشتك ..للحياه امن وسلام

______وانتهيتك ( لانهايه ) في دروب ( اللا نهايه ) !

ولو سألتي : وش بقالي منّك يانبع الغرام

______ قلت قلبّك في مكانه فاق تقدير .. العنايـه .. !

يالحياه ، اللي جريحك لا لفى دربّه حطام

_______ روّحك واقوى جروحه قالت بقربك كفايه !

ويالتسامح في وجيه الناس لاأرهقها ملام

______ ساكنينك ، وانتي اول من حضّن اسم الولايه !

فيك ، وانتي لالبستي بين خلق الله زمام

______ امتلكتي من جمالك كل تعبيــر ، وكنايه .....!

وكل دربٍ تسلكينه ، لو تغشاه الظلام

______ يستبيحّك ضيّ ، دامك للضياء كنزّ ومرايه .!

ماسهرت الا خيالك في مواعيد المنام

_____ ولارجيت إلا وصالك ، والمكاتيب الوصايه ..!

والمعاني لو تنادي من شعور ابن الكرام

______ يختصرها بيت واحد .. بالكتابه ، والقرايــه .!

اعتقيني دام لي من شوفتك لي حول عام

_____ ورجعيني ، للمواصل ، واللقابك ، والبدايــه .!

*عبد الرحمن مازن العطاوي

( قناديل ) !

* وآآتنفّس

هلا بكّ حبيبي قد ما متّ بغيابكّ

هلا بكّ كثر ما خفت ف البعد تنساني

أعلّق الأكاليل الحزينة على بابكّ

على بابكّ الموصود تنتظركّ أحزاني !

أغنّي مع النجمات والليل لا جابكّ

ويا ليت جابك مثل ما جابك آغاني

عيونكّ ، جنونكّ ، رقّتك ، ريحة ثيابكّ

أناقتْك ، أسلوبكّ ، وبحتْكّ ( أوطاني ) !

أنا وانتظارك ننتظر دفتر أسبابكّ

وعلى موعدك آتيكّ وأرجع بِ خذلاني

تعبت أكتبكّ وأذكرْك وأشكيك وأغتابكّ

تعبت أسهرك وألقاك فيني ولا ألقاني

أبي أكرهكّ لكنه الكره يحلابكّ

ف تباً وسحقاً للوفا وين وداّني !

صلبت الأماني واختفى الحلم بـ كتابكّ

طواك الغياب وخذت حلمي والأماني

كثيرة تفاصيلك مع نخبة أقرابكّ

تنامتْ أحاسيسي وحبكّ سرطاني

رذاذ المطر مرّ وسألني وهذرابكّ

وفراشات تترنّح وتبكي على ألحاني

أجوب الأراضي باحثاً عنْك وأسلابكّ


وكفّ الحزن سوّى معي موقف إنساني

تروح وتجي وتخشّني في عتم جلبابكّ


وهماليل طعنك ما روت أرض نسياني

هلا بكّ كثر ما جيت أبنهيك وأبدابكّ


هلا بكّ كثر خوفي عليكّ وعلى أخواني

هلا بكّ كثر ما نبض قلبي وهلاّبك


كثر .. كثر .. مدري وش كثر دارت أزماني

تأخرت هالمرّة ف بعدك عن أحبابكّ


فجفّت ورود المزهريّة من أشجاني

فيا ليت وقّف ( أمس ) لجل آتهنابكّ


ويَ ليت ارتوازي بـ الوفا ما تعداني

أطير بـ سما قلبكّ ومترئّس أسرابكّ


أحوم وأحوم وماعرف كلمة أعاني

أنام بـ فضا عينك وأنا أتلحّف أهدابكّ


أشيل التعب منْك وتشيل أنت حرماني

خسارة على الأحلام وأشياء تحيابكّ


وشكراً على كل شي جرحك به أهداني

أبشعل قناديلي وأبرحل من عتابكّ


أنا عشت وحداني وبعيش وحداني

أدوّر على ثاني ؟ هذا الثاني أولابكّ


غدِر واحدٍ يكفي .. مَ يحتاج للثاني !

أنا عشت عمري لك وعشت أنت لألعابكّ


وأنا حالياً بعيش عمري على شاني

لذلك نسيتك من بعد مَ الوقت قفّابك


تلَونْت بَعدك .. وأشعر بِ لذّة ألواني

نسيتكّ وربكّ كثر ما طوّل غيابكّ


نسيتكّ كثر ما خفت ف البعد تنساني !

*محمد أحمد الحربي