| | وينك ؟ ترى للشوق فـَ القلب جمره | |

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

يسعد مسائكم مع صباحكم بكل خير
قصيدة جميله
لشاعر لا يشبهه ألا نفسه ونفسه فقط
مفرداته جميله ,له أسلوبه الخاص , وبصمته الخاصه التي تميزة عن غيره
لن اطيل عليكم
فقط استمتعو بهذه الباذخه وحلقو معها
.
.

ابدأ :

الغيبه اللي معاها غابت جروحي ..
ردت لي أشياء يا مقفي لها فاقد |

خلاص لا تحسب إنك سيّد طْموحي :
ما عاد عندي خفوق يشيل له حاسد . !

لا يكون تضحك عشاني قاعد بروحي ؟
مسكين ما تدري إني بِـ وحدتي [ واااجد ] -

تَنَفُّس

ما جيت لـ أجل اللي تحت حاجبينك
ولا عشان أقضي معك كم فتره

جيتك وانا محتاج فزعة حنينك
إنسان مثل الناس يعشق ويكره

جيتك قلم لو عاش مجمل سنينك
كل يوم ينزف شوق ما جف حبره

شفني ما بين غياب عينك ، وبينك
شخصٍ رمى مستقبله خلف ظهره

البارحه بيحت [ خافي كنينك ]
خايف على نفسك من الوقت بكره

وجفونك تغطي حكي مقلتينك
وعيونك اصدق من لسانك وهذره

فنجال حلمي والوداد و ضنينك
وكاس الغرام اللي تعمدت كسره

كانوا على مينا الجفا محترينك
فـِ حلوقهم من بحة الناي نبره

وانته عليهم جعل ربي يعينك
تْظنني ماخذ من أيوب صبره

تشره علي وتقول : قلبك وعينك
وينك ؟ ترى للشوق فـَ القلب جمره

أنا هنا موجود لا تقوول وينك
من بعد تغريبة عمر جاي تشره

انا عشقتك قد اصابع يدينك
و ترد لي المعروف وتْحب [ 10 ] . !

إغلاق :

خذ يدين الفراق و نزّل إيديني . . .
. . . . . بعد ما هانت العشره و ضاع الحنان . . !

انت و الدمعه اللي كنتوا بْـ عيني . . .
. . . . . و كلكم طحتوا بْـ نفس الزمن و المكان . !

,

للشاعر العذب
عبدالعزيز بن سويط

ودي

[/ALIGN][/CELL][/TABLE1][/ALIGN]