أكـرَه .. عنـَادِك .. و أمـوتْ ... بـ حِسـنْ تَربيتِكْ .. !!

السَّلامْ عَليكمْ و رحمَه الله و بركاتَه

مَدخَل /

لا جيت ابخفي شعوري عن محبّيني
تفضحني عيوني وتفضحني آهاتي
حتى مصلّين مسجدنا دروا فيني
من كثر ما يسمعون اسمك بدعواتي !

النَّصْ /

تَعال يَكفي تَرى فَرقاكْ مِرهقني
في ذمّتي يومي أغبَر يومْ ضرّيتِكْ
كِل الحِكايَه كَلامِك كَان يحرقني
و أنا مِن خبَالي أبعَاتِبْ أبكيتِكْ !
وِشْ ذنبي إن كَانْ فِكركْ ما يوافقني
أو إنّك أنعَمْ مِن اللي فيه ظنّيتكْ
و إلا أنتْ مِن كثر ما فَرقَاكْ يخنقني
لو اتّعدى بلادِكْ ما تعدّيتِكْ
لا يَلحقك شَكْ في حبي و صدّقني
لَو مَنت غَالي عَلي ما كانْ بكّيتِكْ
القَلب بيتِك و لا غيرِك يروّقني
و أنا وصَلت القدوعْ و لا تقهويتِكْ
وشلون تَزهَد بوصلي و أنتْ عَاشقني ؟!
و أنا لَو أنسَى وجودي ما تنَاسيتٍكْ
يَ خويْ مِن كثر ما قِربِك يشوّقني
أضمْ طيفِكْ غَلا و أقُول ضمّيتِكْ
إرحَل معَ فلسفَه حبّي و رافقني
شِف كيفْ حبي جنُونْ و كيفْ علّيتِكْ
مِن كثر ما حبّك ب قَلبي مطوّقني
جمَعتْ كِل الأوادِم فيكْ و أغليتِكْ
و عَرفْتْ ويّاكْ كِل شعورْ يَطرقني
أكرَه عنَادِك و أموتْ ب حِسنْ تَربيتِكْ
و أكرَهكْ مَراتْ لا شِفتِك مضَايقني
و إن جيتْ تِبعِد و صَار الجَد حبّيتِكْ
يَعني ليَا مِن زَعَلتْ أقول فَارقني
و أودّعك و إنْ بَغيتْ تروحْ نَاديتِكْ
هَذا جنوني و هَذا اللي يِفرّقني
و سُوء التّفاهَمْ يجي حتّى بَ أهَل بيتِكْ
بسّكْ دلَع كَافي و عوّد و عَانقني
شِف وش كِثر بينْ صَفحاتي تهجّيتِكْ
و إن جيتلِكْ غَصبْ و اللهفَه تسَابقني
لا تَخذلْ الشّوقْ فيني يومْ أنا جيتِكْ
اسمَع عسَى الله يوفّقك و يوفّقني
و الله لَو ما أحبّك ما تمنّيتِكْ
و إنِ كِنت منّي بكيتْ ب يومْ صدّقني
لو مَا كنت غَالي عَليْ ما كانْ بكّيتِكْ

مَخرجْ /

عباية الكتف اللصيقه و النقاب
فستان سهره فيه غش و فيه كذب !
مسكينه العفه و مسكين الحجاب
أداة حجب تحولت | أداة جذب !

مَدخَل / مِشعل الزعبي
نَص / بَدر البتَّال
مَخرجْ / سَعَد علوشْ

تقديري و إحترامي