أدمـــنـــتــها..!!

مدخل

جيتها طفل ٍ ,, / أنادي
إنتي لي,, غاية مرادي

وصرت باللهفه / أغني
(وآصلي وإنتي بلادي)

وصارت الفتنه / لقلبي
تشتعل ../ داخل فؤادي

حالم ٍ فيها ../ وجمري
أشعله ../ بعد الرمادي

صادق ٍ / وافي وصافي
غير ,/ عن كل العبادي

طفلة ٍ .. تلهو وانا اللي
محكم ٍ فيها .../ قيادي

من قيود الحب / عذري
حب عذري ماهو عادي

أدمنتها , / أدمان عاشق لتمره
صايم يبيها لو خسر كل عمره

يأذن المغرب .. ويزحف يبيها
وللأسف , / تحوّلت فيه جمره

ورغم هذا, طامع ٍ في رضاها
يتبع سناها , فوق هامات قمره

ما يمنعه عن وصلها أي واصل
يبذل حثيث الروح في كل سمره

يدري بأن الباب بالحيل موصد
وكل الأماني بالشفق لون حُمره

يعني يجدد حزنه ,, وكل مابه
نشوة غرام ٍ ,/ حامله كل أمره

يعيش عمره في كثير المآسي
شارع حياته صار في كل نمره

يرش صمت الياس بدموع قلبه
يتنفس الأوهام / باسباب تمره

يحاول إنه .. ما يلاقي عواذل
واثر العواذل / ماليه كل زمره

وآخر حياته قام وضى وصلى
خلف المقام وقال: لبيك عمره

مخرج

أنبت البستان حسره
من حلم أمسي لبكره
عاشق ٍ ينفض يدينه
ضرني بعد المسره

في زحام الموت عندي
للنعش مسمار وردي
أزرعه في جوف يدّي
حافر ٍ / قبري وقبره

ضحكة النظره الحزينه
ثابته باقصى السكينه
تاخذ الأكفان .. مني
تكسي الميّت مضره

مما لامس الاحســاس
اتمنى ان ترتقي لسمو ذائقتكم