أنا ما أخاف مْن السنين ومن ليالي الإنتظار
أنا أخاف الليله اللي ما أنتظر فيها أحد
ماهو مهم أرتاح وأعيش فرحان
في غيبته وش هي حياتي وكوني?
ودّي أكون إنسان في داخل إنسان
لا أعيش من دونه ولايعيش دوني
لاتكتئب وتعيش بظنون و اوهام
دامك سحابه لايوقف هطولك
وإن ضايقوك فبعض الاحيان الاقزام
مضايقتهم شي يعني: يا طولك!
والله كبيره يحسبونك من اعداي
ابك أنت وش عندك عشان استغلك؟
انا عدوي لازم يكون شرواي
حتى عدوي لاتظن يحصلك
ياشين طعـم العيد والغالي ابعيد
ماهو سعيد العيد بغياب الاحباب
واللي وفا له صاحبه بالمواعيد
يفرح بدون اعياد ويضحك بلا اسباب
الدمع ماينزل من عيونك بطوعك
كاتبه ربي مثل ضعفك وتقصيرك
لاتحاول تقاومه! أعلن له خضوعك
مو كل الأقدار تمشي حسب تفكيرك
تدري متى تهلّ عينك أصعب دموعك ؟
لاشفت من قد حضنته..في حضن غيرك!
ياتجيني وخاطرك حيل رايق
والا بلاش من العتب والمشاريه
اقدر اقول انك ماتسوى ولاشي
واخاف تصبح شي لاقلتها لك!
ان كان طعنك لي يطيّب خاطرك ويسعدك
اطعن نحر ياصاحبي طالبك لاتطعن قفا
اي والله اني احبك واعشقك واغليك
وزود(ن) على كل هذا شوفتك راحه
من لايودك فاسعد الوقت فرقاه
ونفس تبيعك بارخص السعر بعها
واخيرا......
كانك عجزت من الوفاء فاتركه لي
وخل الحمول الكايدات لجملها !
العضو الأكثر نشاطاً هذا اليوم 
العرض الشجري
