تحقيق ... ( ببرزان مــدينة ليست من مملكتنا ) .... !

[align=center]

قرآته آكثر من مرة وكان بصميم الجرح لكن عندي سؤآل بسيط
قبل مايتحاسبون العمالة ليش مانحاسب المواطن نفسه
زي مايقولون دود الخل منه وفيه هالمحلات اللي تتكلم عنها
من اللي يملكها بالاساس المواطن اللي يملكها ويسلمها للعمالة
وآخر الشهر يجيه المقسوم وماسآل عن شيء آهم شيء يعبي
مخباته وهو مرتاح بالاستراحة وماسك لي شيشته غير مكتب العمل
واللي معروفة بلاويه للصغير قبل الكبير وهم آسآس البلاء كله
الواحد يطلع بدال الفيزا الف فيزا والرشاوي بالجيبة
ويالله هالعمالة بهالشوارع وبتلاقى نصهم له محل او محلين
في برزان يعني قبل مانحاسب الناس او العمالة اللي فيه
منهم اللي خايف ربه وجاي يدور لقمة عيشه حاسبوا المسؤولين
وهوامير السرقات وقفوهم عند حدهم وبعدين فيه مواطنين
في محلات ببرزان وربي العامل آآمن منه مواطن ماهو موجود علشان
يترزق الا مشتغل بس علشان الترزز وملاحق بنات الناس
آما حكاية القصيم فالقصيم غير يكفي آن تجارها خيرهم لاهل
القصيم وماهم مقصرين عن مدينتهم بشيء من آبسط شيء
لآكبر محل آو مول غير الصحة المتقدمة ولو نبي نتكلم عن حائل
وحراميتها والضياع اللي تعيشه يبي لنا مجلدات
ومادام المسؤول مقصر وحرامي لانعتب على الصغار
بالاول راقبوا مكتب العمل بكل صغيرة وكبيرة
وحاسبوا آصحاب المحلات قبل مايتحاسب هالمسكين
الا مولاقي لقمته وكفيله واقف بحلقه على الريال
[/align]