( آم زوجي وزوجك وحيآتنآ آلزوجية، متجدد )

تسلمين يالغالية على هالطرح الرائع والهام في الوقت نفسه

وكلامج اللي قلتيه على العين والراس

ولازم ما ننظر للصورة السيئة اللي حاطينها بالتلفزيون عن أم الزوج انها قشرة وما تحب زوجة ولدها ...

صدقيني بنت الناس الذربة هي اللي تدش على أهل زوجها بنية صافية وقلب نظيف وتعتبر خالتها أم زوجها مثل

أمها بالضبط ولا تحاول تحط حواجز ومثل ما تحب زوجها لازم تحب والدته حتى لو كانت قاسية شوية ...

بالكلام الطيب والتودد لها راح تكسبها والحياة أدب وأخلاق مو ساحة حرب وعراك ..

ولازم الزوجة تحط في بالها شي هام ان الدنيا دواااااارة والطيب هو اللي يكسب بالنهاية

ومثل ما تبي عيالها وزوجاتهم يرحمونها لي كبرت لازم ترحم أهل زوجها وخاصة أمه وأبوه

وأنا أستغرب شلون الوحدة تحب زوجها وما تحب أمه وتكره السكن معاهم ...!!!

وترى الدنيا ما تسوى واستغرب من اللي يشتكون من ضيق السكن ترى الضيق مو في البيوت الضيق في

النفوس ..!!

صراحة عالم النساء غريب عجيب في كل جلسات الحريم ما عندهم سالفة الا أم زوجي سوت وأم زوجي فعلت

وتلقونها تحش بأم زوجها عند كل من هب ودب ولا تستحي من الكلام اللي تقوله طيب هذي جدة عيالج وخافي الله

فيها ..!!

وودي أسأل هالنوعية من الحريم القشر ترضين زوجة أخوج تصير قشرة مع أمج ...!!!

أعتقد لا وأبصم ما ترضى وبتقول أمي حبوبة وطيبة وما عطاها الله زوجة لأخوي ترحمها..!!! ههههههه يا كرهي

لجلسات بعض الحريم ..

يا حلو الزوجة تصفي قلبها وعقلها من القيل والقال وما تسمع لكل سالفة ..

هذي وجهة نظري

وعسى ربي يوفق الجميع