جريس الفارس الشجاع

مرحبا بالجميع







مسيتو بالخير

بطلة هذا الفلم هي بقايا حلم واسمه اقصد اسمه جريس


















بقايا حلم بعد ماراحت لبنت عمه وصقيقته(يعني صديقته) وطفا وهي راجعه منها فيه قطاعة طريق
قامو يحدحدونه يبونه توقف لكن ربك ستر وقدرت تفحط وتدوس على البنص لين هجت وابعدت عنهم
هذا بعد ماطار عقله وانفضخ قلبه والسياره صارت تنقط ماء اللي يشوف السياره يقول اديتره منفقع




بعد هذه المعانات ورجوعها لبيتها وبعد فترهـ اشتاقه لبنت عمها وطفا ولكن خايفه ماتقدر تروح
وتفكر ياربي وش اسوي وش اسوي ..وجت براسه فكرهـ انه تلبس ثوب رجال وشماغ وعقال
وتركب شنب وتلبس فرووهـ وتدق اللطمه .. من شان تصير زقم

نفذة المهمه في ذاك الليلة المظلمه الغايب قمرها لبست الثوب والشماغ وركبت الشنب ودقت اللطمه
وحملت السلاح ودعست وفكرة بالطريق وش تسمي نفسه وقالت ايه مافيه الا اسم جريس
اسم حلوو ولايق علي








وعند شروق الشمس الا وهي واصله لبنت عمه وطفا .. وطفا على طول تغطه تحسب انه رجال جاايه
تغطة وعشقت البارود متولمه للرمي ... نزل جريس ..وهي تقول وطفاا اناجريس اقصد بقايا حلم لاتخافين
قالت وطفا بقايا وشبك هلوون لا انسفهتي الظاهر مانتي بعقلك
جلست بقايا اقصد جريس وحكت السالفه لهـ ..
قالت : وطفا تصدقين يابقايا حلم اقصد جريس انك لايقه عليك الشخصيه منا زينك ماشاالله
ويييلي ياخيتي عشقتك الله والعالم ياجريس







جلس جريس ووطفا يتقهوون ويكركروون واحد ياخذ علوم الثاني
وبلحظه سمعو صووت رجل ينادي ياوطفا ياوطفاا .. قالت وطفاا لاحوول هذا وش يبي
قال جريس من هذا ياوطفاا
قالت وطفا هذا شايبن مروح اسمه"رباح" كل ماهذا جاي عندي يتحلس ويتملس الله والعالم انه عاشقن
بس اسمع ياجريس جابك الله اغديه لاشافك يذل ومايجينن كل مرهـ
قم له وشف وشـ عندهـ اكيد لشافك ماهو مطول يبي يروح





جرييس: صادزهـ وين ارووح خايفه لعنبو دراك انا مثلك حرمه
اخاف يكشفن او شي واتوهق فيها
قالت:وطفا ماعليك انتي يابقايا "اقصد جريس" شكلك رجل بليا شنبات خخ
قومي لمه وصرفيه لايجينا






جريس قام لم رباح ياهلا ويامرحبا ..رباح كش يوم شاف جريس مايدري من هذا
اللي طلع عليه وعلى طول رباح من انت ياولد قال انا جريس ولد عم وطفاا
وهو يسلم عليه رباح سلام حار ويمطقه ويحبه ياهلا ويامرحبا
جريس بغى يطيح شنبه من كثر المطق ورباح يمطق ويهز اليد خخخ







جلسوو بقسم الرجال ويحمس القهوه يدق النجر جريس
ويتقهوون جريس مايتكلم واجد خايف من رباح يكشفه
رباح بدا بالسوالف وسأل جريس
ياجريس الحين انت متزوج ؟
جريس: ايوالله متزوج وعندي قطعة وغدان وجيت البارح اسلم على بنت عمي
رباح: بينه ويبن نفسه"اشوى انك متزوج احسبك جاي تبي تاخذ وطفا"
طيب ياجريس غداك اليوم عندي ؟
جريس: لايابن الحلال والله اني ابروح اليوم للديرهـ مااقدر






رباح طبعا لقااااهـ فرصه ولد عم وطفا ومتزوج بدت المصالح وجريس توهق فيها
رباح قام يلزم عليه اقوول طلااق الا تغدا عندي
بعد ماوصل التلزيم على الغدا سالفة الطلااق .. حكت وطفا من ورا الرواق وافق ياجريس
لايطلق رباح حرمته وافق
رباح يوم سمع كلام وطفااا قام يمطخ جريس مع صابره ومع جبهته يابعد رووحي
الا توافق شف هالمزيونه بنت عمك تقول وافق ...
جريس سلم امرهـ لله وافق .. مشى رباح والوعد بعد الظهر يجيه جريس بالبيت









جلس جريس وطفا وهي تقفل مع جريس الحين ياثوورهـ وشلون اروح واجلس وسط رجال
وبعز النهار وكان واحد منهم كشفن وعرف اني بنت ماني رجال وشـ اسووي
قالت وطفا رباح خبل وعاشقني وخفت انه يطلق ام عياله فما كان عندي الا انك توافق
وبعدين اقوول اسكتي والله ان محد كاشفك شكلك كذا رجال صح
وابعطيك مسدس تحطينه على جنب تكشخين فيه










سلم امره لله جريس وراح للغداء .. وصل بيت رباح ودخل عليهم بالمجلس
مار المجلس مليان فيه حوالي 10رجاجيل غير البزورهـ
وخذ عاااد استلموو جريس بالسلام وسلامن حاار عصراليد مع شخف وتمطيق قووي
يسمع المطق اللي برا البيت وجريس تخدرت يدهـ وصوابرهـ خخخ
جلسوو وصبو القهووهـ .. وسوالف مع جريس .. وحطوو الغداا
وينقز شايب قال حرام ماامد يدي ولا اتغدا الا اما توافق على العشاء الليله
جريس قام يتعذر ويجيب من الاعذر والشايب متنح بكلامه مافيه حرام الا عشاك الليله
عندي مافيه ولا ماراح اتغدا والحرمه طالق بالثلاث خخخ توهق جريس
وقال تم وهم يتغدووون ويوم خلصووو من الغداا








قال رباح ياجريس انا ابزوجك بنتي "عطرهـ " جريس نسى انه رجل وقال "موافقه" جاب العيد بغى ينفضح خخ
رباح مافهم جريس صح قال رباح ماعلي منه توافق الحرمه او ماتوافق اشوى انه فهم السالفه غلط خخ
جريس خذا نفس وقال خل بنتك عندك وبعدين اجيك ونتفاهم لزم رباح الا يزوجهـ قال جريس مو مشكله بكرا نتفاهم يبي الفكه بس والخلااص من هالورطه







طلع جريس من عندهم راح لوطفااا .. طفشااان ومقفله معه
ويعطي النشرهـ وطفاا .. ويجدع الشماغ والعقال ويشيل الشنب
مابي مليت خلااص وععع كل سعابيلهم على صوابري
وطفا مبسووطه قالت ازين خلك وين تبين تسترجلين خخ كان جالسه بيتك يالجوى خخ
قالت هين والله توبه ماجيك قالت وطفاا مابيك تروح شكلي عشقتك وابيك زوجي ..(تشمت وطفوووه )

جريس خذا الفنجال وصنه بوجه وطفاا لعنبووك ماتستحين الحين انا بقايا حلم ماني جريس
وتقولين الحتسي اصصص ولاكلمهـ
وهم يتهاوشوون الا وسمعو صوت رباح جاا لهم وعلى طوول وطفا البس ياجريس شنبك
بسرعه وعقالك وتلفلف بفروتك واطلع لرباح شف وشـ يبي
قال جريس وش يبي جاي لك مو لي طسي لمه انتي
وطفااا قم جريس رجل البيت انت عيب انا حرمه وشلون اطلع خخ
صدق جريس وطلع لــ رباح خير وشعندك وش تبي
رباح جايب غدا لوطفاا .. جريس متغديه وطفا
رباح لا لازم تغدا من غداي مايصير لاتخليني اطلق الحين
جريس لحوووول جينا لسالفت الطلااق خلااص هاته خذا جريس الغدا ودخله على وطفاا
ولقى رباح جالس عند الدلال تووهق جريس مع ربااااح [/font]












جلس عند ربااح وفاتح رباح جريس قال شف ياجريس انا زوجتك بنتي وابي اخطب وطفا منك وشـ قلت
وطفا احبه وعاشقه والله لاحطه بعيوني ولا خليك ماتشيل همه وتسأل عنه احفظه بعيوني هذلللي
جريس توووهـ متلاجج مع وطفاا ..انبسط وقال لـ رباح ابشر ابقنعه لك ومايصير الا كل خير


راح رباح وجت وطفا عند جريس قالت هاه ياجريس وش عندهـ رباح اسمعه يتكلم وقاصر صوته
قال جريس كان يتكلم فيك ويمدحك ويقول مزيونه حرمت بيت صح وابي اخطبه منك دامك ولد عمه
وانا عطيته كلمه ..زعلت وطفاا قالت مابقي الا بقايا حلم تزوجن
وهو يقوم جريس قال اصص ولا كلمه انا جريس ولد عمك بقايا حلم هذاك اول ولا كلمه خلاص زوجتك (امش ماتجي الا بالعين الحمراء خخخ)
وباقي تحديد الزواج بس







جاء وقت العشا وراح جريس ورباح لم الشايب ولحق جريس حب وتشخيف من البدو اللي بمجلس اللي عازمهم
وتعشووو ويجلس جريس ورباح يتقاصوون قال رباح وش صار ياجريس وافقة وطفا ..ودي اعزم الجماعه على الزواج
الحين
قال جريس ايه وافقه وحدد زواجك مثل ماتبي ..
قام رباح وياقف بوسط المجلس ياجماعه اعزمك على زواجي من وطفا يوم الخميس وزواج بنتي على الفارس جريس
وكلنا بالليله وحدهـ .. توهق جريس شلوون يارجل انا متزوج ولا ني موافق على بنتك قال رباح كل تبن وتلايص
زوجتك زوجتك وانتهينا ..






رجع جريس للبيت طفشان وقال السالفه لوطفاا وهي تستانس وتجلس تلولش وطفااا مستانسه جريس بيتزوج
وياخذ بنت رباح "عطره" لولولولولولويش :rofl:











جريس بالوسط وعلى يمينه رباح













جاء يوم الخميس وطلعو اهل الديره وقعدو يرمون محتفلين بزواج رباح من وطفا وجريس من
عطره

دخل جريس على "عطره" وكان داقن اللطمه وعطره تظرب جريس مع كتفه وشبك ياجريس تكلم
والله حبيتك من اول مره شفتك عند ابووي واشوى اني تزوجتك ازين من ولد عمي الطقووع
جريس متلطم ومصد عنه قال ياعطره انا عاشق بنت عمي وطفا واحرجن ابوك وزوجته اياهـ
واحرجن بعد وزوجن اياك وانا مابيك ..حززززنة عطره ودنقة راسه قال جريس لاتبكين يابعد رووحي
والله لااجيب لك اطلق عريس بالمدينه قالت عطره اريدك انت ماريد غيرك
قال جريس بس انا مابيك ... قالت عطره مو بكيفك غصبن عنك والا لافزع الديرهـ عليك
واخليهم يحلفوون ويطلقووون حريمهم انا مارضيت فيني .. لحووول توهق جريس ياعل ماعادهـ
الجيه لبنت العم وطفاااا ...
استسلم جريس للامر والواقع خخخخ ورضى بعطره وبعد فترهـ انكشف سرهـ وعرفو ان جريس حرمه
وجاااا دوحان شايب من شيبان الديرهـ يتلزق عند رباح وطفااا .. لين اقنعووو جريس يوافق وبـ الاخير توصلت وطفا ورباح
انها تقنع جريس يتزوج دوحان وفي ليلة الزواج هرب جريس من الخيمه لااااذ بالفرار من الديرهـ ومن دوحان ومن رباح وبنت عمه وطفاا



يردد تووووبه من الهوى توووبه ماتمشي الرجل مغصوبه ..









راوي القصه منذر





مع السلامه





عبيد الضلع [/font][/size]

ههههههههههههههه
هههههههههه
كل هذا يجي من بقايا حلم

شكرا عبيد الضلع قصه روعه
دمت مفرفش
سهر

عاش رباح وجريس
ههههههههههههههه
عبيد الظلع
مشكور يالطيب

ههههههههههههههههههههههههههههههه
لاحول ولا قوه
من عبيد لمنذر
يونسكم بعافيه وصحه وسلامه

لعنبوا بليسكم من وين تجيبون هالصور؟؟؟

كيف الصوره تخلي الواحد يطرش سحور قبل امس من الغثى00

والله لو اهقى ان جريس اقصد بقايا حلم كذا

اني الا اهرب من المنتدى كله00

ويمكن من حايل بعد000


تحياتي لك عبيدوووووه000

هههههههههههههههاي

تسلم عبيد عالفلم مانحرم منك ولا من مواضيعك

شكرا لك عبيد الظلع
هههههههههههههههههههههههه لازم تحتفظ بالقصه
نكررها السنه القادمه

[align=center]

ووووووووووووه الصور خير شاهد هههههههههه

الظاهر ابهج بعد زي فواز

هههههههههههههههه

تسلم هاليدين عبيد[/align]

ههههههههههههه
سلمت وعشت عبيد الضلع
على روحك المرحه

هههههههههههههههههههههههههه
جريس خذ حبلك او رشاك
هههههههههههه
شكرياتي لك عبيد الضلع
بس ترى انا راوي القصه زمان ولا نسيت انت للحين
ههههههههه ماشالله

هلابكم جميعاً

وشوكرن لكم على مروركم

هههههههههههههههههههههههههههه
ههههههههههههههههههههههههه
ههههههههههههههههههههههههه


ياويل قلبي جريس انا بقبوقه صار جروسه هههههههههههه
عاد مالقيت الا جريس<<< المشكله عندي بالاسم بس هههههههه
قسم بالله عشت الجو ونااااسه ياحلو المطخ والذبايح والعشاء
والغداء هههههههههههههه


يصلح اسويها شكلي بروح للوادي هههههههه
بدور بنات عمي هههههههههههههههههههههه
كود تصير حقيقه هالقصه هههههههههههههههههه



الله لايحرمنا وجودك عبيد يسلم قلبك
على القصه الرووووعة من جد تونس
لاتحرمنا ابداعاتك يالغلا ..



تقبل مروري..
بقايا حلم..

ههههههههههه ياعساك تسلم يالذيب عبيد

هههههههههههههههههههههههه يسلمو عبيد
ربي يونسك بعافيه

بقايا تصلح ونص

بس انتبهي لاتجيبين العيد خخخخخخ



سنجار

نوير


شوكرن على مروركم