تعال وقل اللي بخاطرك لأي شخص او حتى لنفسك

[quote=نائبة القمر;892293]وهذي هي المشكله انه أحبآبك وقرآيبك هم اللي يستغلونك
طييب ليه ؟
هذآ جزأنا لاننآ نعاملهم بطيبه واحترآم
مجتمع متخلف وربي

والله مااقدر اقسي قلبي
حاولت اكثر من مره بس فشلت

نيوبة كلنا نعاني مو لوحدك فالتفكير السقيم مغطي مجتمعنا
ابجيب لك كذا مثال
كنت لابس ساعة ماركة قيمتهاغالية قريبي طار عقله
وقام يكثر الاسئلة وايش ماركتها ودخلنا بمتاهات وقالي هذي حرام لانها ذهب وووو
ما اخذت اسبوع الا واختفت وين ما ادري؟؟؟
والحين كلما اشوفه اتذكر الساعة الله لايبارك فيه


عزمنا واحد من الاقرباء ع استراحته وكان مليانه شباب وقتها بعدما تقهوينا وجلسنا
قال محمد ياكثر البنات الي تغازلهم بالمسن انا بغيت اطق من القهر قالها بدون مقدمات قالها بدون مبالاة
سبحان الله كذا حتى ميانة مو ذيك الدرجة يعني ما اشوفه الا بالسنة مرة او مرتين
قلت له اوكيه الشباب يسمعون عليك حق بكرا تعشينا لو طلع كلامك مو صحيح
ولانقبل الا بمعلم المشويات والذبيحه كاملة سكت بعدين قال يله
رحت جبت اللاب من السيارة وفتحت المسن ولا لقى شي صار بموقف محرج جدا وقام يضحك
ومن بكرا الا ومجهز الذبيحة والمعلم وقالي اهم شي لاتزعل قلت اذا انا وياك لحالنا قل الي تبي
لكن مقصدك تقولها امام الناس ليش؟؟؟
فعلا تفكيرهم غريب

وللاسف يطغى على شريحة كبيرة من مجتمعنا سوء الظن ونقل الكلام والحسد والتناقض كلامه يمين وافعاله يسار

مانقول الا الله يصبرنا عليهم


سعيت وحاولت بس الطرق كلها مقفله بوجهي

يعني مكتوب لي الشقى طول عمري ولازم اقتنع بهالشئ



كنك تقولين كلما قلت هانت جد علمن جديد
كلام هذا قاله لي واحد الله يستر عليه جلس 20 سنة بلا اطفال
وهو ساكن بقصر وخدم وحشم ولاينقصه الا الاطفال بس

وكل واحد منا لازم ينقصه شي هذي قاعده بالحياة
مستحيل الحياة تكتمل لأحد
لايغرك الي معاهم ملايين بأرصدتهم تراهم يعانون كثير
اذا الله اعطاك صحة اخذ منك المال
اذا الله اعطاك المال اخذ منك الصحة
اذا اعطاك مال وصحة اخذ منك الاهل او الحنان والخل الوفي

وهكذا
وربي ماقابلت احد بحياتي يقول انه حقق كل مايتمناه
اصلا يموت الانسان وهو وراه كثيييييييير من الاماني
والدي الله يرحمه كان في باله امنيتين في اخر سنه من حياته وقالهن لي
حقق واحده قبل وفاته باربع اشهر
والاخرى لم يحققها لان القدر اسرع من امنيته ولو ان القدر امهله وقت اطول لحققها
ولو حقق تلك الامنيتين ستظهر اماني جديدة

كذلك نحن دائما نضع احلام نسعى وتلهث من جديد لتحقيقها
وتعليق سعادتك بأمنيه وانها اخر امنية والغرق في احلام اليقضة
بصراحه ارهاق للنفس ووجع للقلب وتعب للتفكير لكن وطني نفسك على انها ممكن تحصل او لا
والتوفيق من الله وانتي اعملي السبب الي تقدري عليه ولاتلتفتي للعوائق والعواطف

مثلا وهذا المثال شائع
كثيييير بنات يعلقون امالهم وسعادتهم بالزواج وتقول انا اذا تزوجت خلاص كل اموري تمام ولا ابي شي ثاني
وللاسف في كثير من الاحيان يحصل العكس وتحصل الصدمة
فتتزوج البنية الحالمة بزوج اخذ فكرة عن الحريم انهم خدم عند الرجال وانواع الجفاف العاطفي وموت المشاعر
فتبدأ المشاكل والشقاء فتزداد تلك المشاكل في حال تفكير المرأة بالتخلص من هذه الورطة ورفض الزوج القاطع
فيصبحون لا هم ازواج ولا هم مطلقين وقيسيها على الشباب ايضا
والله المستعان

واحيانا تكون الامنية مرفوضة قبل الحلم بها مثل الزواج العائلي الذي احلم به لاتفاق الجميع برفض الفكرة اساسا
ليس لخفض التكاليف ولكن لعدم قناعتي بتاتا بالزاوج التقليدي



الافضل ان تكون امنيتك بالحياة هي ارضا ربك ونفسك وتحقيق رغباتك وفق المعقول
دون الاصطدام برغبة المجتمع الذي يعتبر في اغلب الاحيان ظالم بنظرته ومقيد
لانه ان تكون منبوذا من مجتمع صعبة ومؤلمة
والله يوفقك ويحقق امانيك يالغالية ولاتستسلمين للظروف ابداً لاننا كلنا اصحاب ظروف