من يقول : ان الأماكن ماتسولف يابقايا حلم؟؟؟!!!!

ليه كلٍّ لاتذكّر ذكرياته
يشعر إنها أحلى أيام بحياته !بس يتنهـّد وهو يحكي .. ويذكر
حلوها مع مرّها وشلون جاته??
يتذكّر بعض الأشيا .. ويتبسّم
من يصدّق إنها من ذكرياته ؟
هالمواقف بعضها كانت كبيره
بعضها خلاّه يتمنّى مماته !
وبعضها للحين لاتذكّره يضحك !
كيف "ذاك الشي" / "ذاك اليوم" فاته !
وبعضها للحين لاتذكّره يسرح
........ويتساءل..؟؟
.. وين راحت أمنياته ؟!
آه ياذا العمر .. ياسرعك علينا
وااجد اللي مايحسّون بـ فواته
وآه يالإنسان وشلون يتغيّـر
كل شيٍّ فيه .. حتى ( تضحياته ... !
يتغيـّر غصب عنّه , بسّ يبقى
طينه يأثر على طيبة نباته ..
وان بغيت تعرف -اي انسان -
-وش هو؟
طالعه لاقام يسرد
(( ..ذكــرياآتهـ ..))


[align=right]

لا تخاف
ماوراك إلا خطاك
وما قبالك غير فالك
.
لا تخاف ! [/align]



فكرت اقرب مسافاتي
واجـي يمـي
وأكتب مشاوير حزني
واكتب الساقي
.لقيت نصف الشوارع
مهدره دمـي
والنصف الاخر هلك
مالامس اعماقي
/..والطفله اللي تسيني
طـرف كمـي
ماتت وخلت بعينـي
حزنهـا باقـي
\..ليت المنايا تناشد
وانتخـي همـي
وأموت معها وفيها
واجمع اشواقـي


[align=left]

ياللي بَنِيْت من الأَمَانِي
مَدِينَة ..
شِفْنِي طَلَعْت منَ الحيَاة
وَلا شَيْ... ) [/align]




الا ياطير
وش جابك تخلـي منزلـك
...ياطيـر
عسى ماشر ياطيـرٍ يحـوم
وينكسـر فوقـي
ترى ماعاد لك عندي سوى جرح
....وسحابة خير
الا من جرهدت بيد القصائـد
لاحـت بروقـي ...)

[align=right]

ياآلهي وش بلا هذا المساء
عيّا يعدّي .. ) ؟
لاهو اللي محتويني ولاني
اللي محتويه ..!!
كل مافكرت أبفتح نافذه
للحـزن قـدّي
امتلا صدري نوافذ وامتلت
عيني وجيه...![/align]



أحس إني مضيعني !!
....... يارب ألقاك وألقاني !
وأحس إني مودعني
....ورحت بعيييييد .. وحداني !
ولابه شي يسمعني ..!
ولابه شي يبغاني !
قعدت أصررررخ وأسمعني
...كذا -وأسكّر آذاني ..) !!]




ياخي شفني
في غيابك شرشف
الهم إلتحفني :
حتى جفني..
من رحل إصبعك عنه
.. ما عرفني .. ) !
حتى كف الضيق من غصنك
.. قطفني !صارت أنفاسي حرايق..
كلها يومين وأفني
ياخي إرحمني وشفني!

[align=right]

من يقول ..
......ان الاماكن
ماتسولف ماتعاتب ..) !
من يقول ....؟؟
الاماكن ياعزيزي ...
الاماكن..
لا تهج البوح لا حساس الاماكن
يمتلي صدر الورق حزن وكآبه
الموانئ خامله والموج .. راكن
يلفظ انفاسه على شط الكتابه
والشوارع مظلمه والبيت داكن
والنوافذ كلها صمت وغرابه !!
..جيت \.....
....... جيت
...............وجيت
اعشم بردها بالصيف لكن ...
......الفصول الاربعه برد ورتابه !!
اه لا صار الغلا بالجرح ساكن !!!
......والخناجر كلها ربع وقرابه
مايطيب الحال دام الحب ماكن
.....من عروق ومن فياض ومن سحابه
لو نشدني عن سبب حزن الاماكن ؟
..... جف صوتي مت
ماشاف الاجابه ! [/align]

[align=right]

لا حشى ما ني بميّت !
الا حيّ !
حي لكن ...
ما أحس بأي شي !
يعني ميّت !
والله ماادري
تكفى لا تسأل علي ! [/align]




تعالى نهيم !!!.....
تعالى نهيم
فى دنيا المطر والغيم
ولكنك...
تخافين..وتخافين..وتخافين
وعندك شي تخفينه.. ) !!
وأنا أحب المطر ..
وأنتِ تخافينه !!
ولا أدرى سبب خوفك؟
ولا ظنك بعد..تدرين!!
تخافين المطر..
لا يبلل ثيابك
تخافين الرعد..
لا يرعب أحبابك
تخافين أن لمع البرق..
فـ عيونك يبان ما تخفين
ابركض فالمطر..وابتل
وأذا أرعبك المطر ليله
أنا أرعبنى الجفاف سنين..!!


[align=left]

يمر الليل ..
واسألني [ تحبه ] ...؟
إيه أحبهـ حيلـ
وامر الليل ..
وافضحني [ يحبك ] !؟
ما سترني ليلـ ..! [/align]



إمتزج حلمي
معا لذّة غبائي
ــــــ يوم شفت الليل
فيني ينتحي
وإبتسمت : ) وقمت
أجمّع كبريائي
ــــــ بعد ماطاحت
ستارة مسرحي

[align=right]

ودي أكتب .!ودي أكتب !
بس مدري كيف أبكتب .؟!وكل ما حولي يصوّت فيني :
" إكذب !!"يا خي قلّي كيف أبكذب !
والقلم يكتب أماني
كل حرف بـ أمنية !
والحبر دم الأغاني
والمشاعر أغنية !
دام أنا بالأصل فاني
ليه هالصدق أفنيَه ..؟! [/align]



تجين نحكي لـ السماء
قصّة النور..........
ونعيد ترتيب
المسا والأغاني !
وأصوّرك في وسط
هالقلب عصفور
.............. عيّا يطير
إلا بوسط المحاني
وآقول أحبك والهوا فيني يثور.............. وإنتِ تقولي : كيف تسرق لساني ؟!
يافتنة إحساسي وأنا فيك مغرور
............ هاتي يدك بأوقّف أم الثواني

/
\
مختــارهـ بعناآيهـ


منقوووول

نور

إبداع وروعــــــــــــــــه ..

بس سبقتينيي ونزلتيها

<<<نفس ذوقي يعني..


عاجبتني مــــــــــــــــره ..


لك ودي وتقديري ..

دائما ذوقك مميز بالاختيار
شكرا يالغاليه ويعطيك العافيه

ملكة الأحساس

سهر

ربي يسعدكن ولا يبعدكن

تسلمين نور على ذوقك الحلو لاعدمناك يارب
تقبلي مروري
دمتي بعز ومحبهـــ...

نور الدنيا

رائع ما خطه قلمك المبدع
مسجاااات أكثر من رائعه
كلمات خطت بماء الذهب
كلي شوق لمعزوفات أخـرى
ربي مايحرمناروعتك ولا روعـه إبداعـك


تقبلي مروري ..
بقايا حلم ..

[align=center]

زهرة حائل
بقايا حلم
كل الشكر والتقدير على المرور

[/align]

نور الدنيا

(
)

سلمت اناملك على النقل الرائع

يعطيك العافية

روووووعة

[align=center]

احلام الطفولة
هلالي
يسعدك ربي على المرور المشرف

[/align]