حوار ضاحك الطبعوني في المطبعة

[COLOR="Red

"] حوار ضاحك [/COLOR]

الطبعوني في المطبعة

[COLOR="Blue"]بقلم : عصري فياض

الطبعوني هذا ،رجل يحمل صفات الثعلب في مظهره وجوهره .. خمسيني العمر نحيل الجسم ،منحني القامة ،يحتضن تحت ابطيه رزمة من الاوراق على الدوام .... حذائه جهاز انذار يعمل في دائرة صوتية شعاعها 50 مترا او يزيد ...يلبس بدلة صفراء وربطة عنق ملونة بألوان الطيف وقوس قزح ... لانه يحب الطبيعة ...هذا الطبعوني دخل للمطبعة ودار بينه وبين مدير المطبعة هذا الحوا ر:-
الطبعوني :- السلام عليكم
مدير المطبعة :- وعليكم السلام ..
الطبعوني :- هاي مطبعة ؟؟
المدير :- طبعا..
الطبعوني :- يعني بتطبع مؤلفات ؟؟
المدير :- طبيعي ... هذا شغلنا .......... اتفضل بشوا ممكن اخدمك؟؟
الطبعوني : عندي كتاب كتبته وبدي اطبعه...
المدير :- هات نشوف..........
(الطبعوني يسلم الاوراق للمدير )ويسأل الطبعوني :- شو اسم الكتاب؟؟؟
الطبعوني :-" الطبع يغلب التطبع"...........
المدير :- اسم طبيعي مئة بالمئة
الطبعوني :- كم بتكلف طباعته ؟؟
المدير (يفكر قليلا):- الفين دولار على الالف طبعة ...........
الطبعوني (يصفر ) :- ولو شو انا جاي على مطبعة الكونغرس انا ..
المدير :- ليش مستغرب ... الطباعة اليوم نار ... شو بتحسب ،هذا كتاب مش طوابع بريد ..
الطبعوني :- بالمختصر ...... ومن الآخر ..... بعطيك على كل طبعة دولار .. وبطبع قد ما معي دولارات .....
المدير :- طبعك غريب يا اخي........ مش هيك بتشتغل المطابع .........
الطبعوني :- ولا كيف بتشغتل المطابع ...بدكم تنهبوا الناس عينك عينك ....
المدير :- حضرتك من وين ؟؟
الطبعوني :- شو بدك تناسبني ؟؟
المدير : لا ... بدي اتعرف اتعرف على الناس وطبايعهم .
الطبوعوني :- انا اصلي من طبعون قضاء حيفا .... ساكن الآن بقرية الضبعة مديرية طبعبع ..
بتعرفها ؟..
المدير :-سامع فيها ....
الطبعوني :- والان .... شو قلت ... نطبع ونعــد ولا نخلع ونمــد
المدير :- لا بتوفيش معنا ........... انا بنصحك تكتب النسخ بإيدك ........ ما شاء الله خطك مطبعة ...
الطبعوني :- خطي مطبعة ............ صحيح المثل إلى بقوك :- حبيت طبعك وطبعك ما حبني .... وجيت اطبع عندك كتاب ... وطبعك اللئم كبني ...
المدير (يقف غاضبا):- الزم حدك .......... احسن والله بخلي اصابعي يطبعن بوجهك قلام قلام .. افهمت
الطبعوني :- (يحمل نسخة من كتاب موجود على الطاولة ):- اقعد مكانك قبل ما اطبع وجهك بالحيط ............. اقعد .............. مطبعجي فاشل ............ ولك لو تعرف مين انا ...
انكان دفعت من جيبتك وطبعتلي ..... بس انت جاهل ...عندك كل هالمطبوعات وعقلك مش مطبوع فيه غير الدولارات ..
المدير :- (يدفع الطبعوني إلى الخارج ):- روح اطبع برة.....
(يخرج الطبعوني وهو يلملم كتابه الذي تطاير بفعل دفع المدير له) ويقول
صدق الشاعر الي قال :-
طبع اللئام عند المال ينجلي ............... وطبع الكرام عند الاغاثة وافرو
لاتبأسن لفعل الجاهلين فإنما ................ ليس للدبور بالحشى بطن عامرو
وحمل مؤلفه وخرج ...........[/COLOR

]