سبيكه ترشح نفسها وكل واحد يصوت لي له واحد كتكات وبيبسي <<< يقالها تشتري الاصوات

سبيكه ترشح نفسها وكل واحد يصوت لي له واحد كتكات وبيبسي <<< يقالها تشتري الاصوات

--------------------------------------------------------------------------------




السلام عليكم

بما اني من زماااااااااااااااااااااااااان ماكتبت فحطو في اعتباركم انه ماصل <<<<<وهو عندتس شي موب ماصل

لكن مايمنع انكم تقرونه وتردون علي <<<جاملوها شوي

المهم ندخل بالموضوع دغري … على طاري دغري لا تحسبون مرشحه يعني مزكمه فاهمين علي صح

نعود لمحور حديثنا


طبعا بما ان الترشيح للتميز بيكون لكل الجنسين السحالي والتماسيح انا انقهرت تدرون ليه ؟؟<<<< طاقين لتس خبر اسكتي بس

محدن رشحني للتميز

لذا قررت انه لازم نحط الاعلانات ومالقيت غير شريط الاهداءات انزل به اعلانات ترشيحي
طبعا انا اذا انقهرت ما اخلي مشاعري تتغلب علي واقعد اصيح لا وقمت افكر وافكر وافكر وبعد افكر الين خلص التفكيراللي عندي وقلت لازم اسوي لي حمله انتخابيه طبعا مالقيت الا بعد حيي الله يخليه لنا عشان اسوي حملتي

طبعا لكل ناخب برنامج انتخابي وانا بعد من سويت لي برنامج سيناريو وحوار ليلى الهلالي واخراج عامر الحمود<< وش جاني على طبعا كل شوي قايلتها نطلع من المهم نصب في طبعا الله يستر بس مااقول في الحقيقه وفي الواقع


نجي للتفاصيل <<<موب كنها بدت تحوس


السيره الذاتيه
سبيكه من مواليد برج المملكه << توه نازل ذا ..
متخرجه من جامعة اكسفورد الواقعه بالبطحا << تخصص بالبسطات وطرق التحريج

المناصب اللي قد توليتها .<< ايه هين
كابتن المنتخب الاول لكره القدم المنزلي .
قائدة حركه نبش
حاصله على المركز الاول مع مرتبة الشرف الاولى في المصاله << من جد


برنامجي النتخابي
تنتن تتتتنننن ترن ترن <<<<يقالي حاطه موسيقى
اولا: السواقه للنساء <<<لاتفهموني غلط خل اكمل
طبعا لا انا ولا انتم يرضيكم الاختلاط فجا في بالي هالفكره
الفكره تقول <<الفكره موب انا ترا ,ان يصير يومين للحريم وثلاث ايام للرجال والخميس والجمعه عوايل واللي يطلع في اليوم اللي موب له على طول اعدام <<< الله لايوليتس امر مسلم ولا يمسكتس منصب انتي وهالافكار

ثانيا : ابخلي المحلات تسوي تخفيضات 99% << ماودتس صدقه بعد
<<< بنات صوتو لي ترا محد سواها غيري


ثالثا: للشباب العاطل عن العمل بوفر لهم وظايف لخريجي الثانويه منصب مدير (اللي يبي) وخريجي الجامعات منصب وزير اما اللي معهم ماجستير ودكتوراه ولا اقولكم منيب قايله بديت اخور <<<خافت


طبعا موقعي الانتخابي في الارض الفاضيه اللي بجنب قاعه غناتي <<< بتجيب لكم العشا من آل مهدي وشوله الخساير << لها امل تفوز ذي
ولا بعد بجيب طقاقات يعني فله السالفه واللي يبي شعراء ومحاضرات نمد من عند ولد المهدي سلك ونشبط لكم سماعات ما اتوقع يقول لا <<< تتوقعون يعيي




شعارالحمله <<< فئه (ي)خيام خمس نجوم <<<

NOTHING TO LOSE WITH me

كل واحد يصوت لي له واحد كتكات وبيبسي <<< يقالها تشتري الاصوات ...



ملاحظه
موب تحسبوني الحين ضد الانتخابات ولا من حزب المعارضه << يازين الخوف
بس قلت اكيد موب مرشحنى احد قلت اجرب بكم المصاله ومالقيت الا هالموضوع
'طيب نجي للجد الحين اللي له الحق انه يصوت (النساء والغلمان على جنب شوي لا تخافون بجي معكم بكمل سؤالي واجي ارتز )) على اي اساس راح تصوت

هل بيكون لقريبك او صديقك او تعصب قبلي
او على حسب البرنامج الانتخابي اللي مسويه الناخب << وش بيضمن لك صدق كلامه
او للي يدفع اكثر <<< من جد مخربتها


خلاص قضى اللي عندي



















ملاحظه تم كتابه الموضوع مرتين وطفشت منه اي اخطاء مطبعيه انا غير مسعوله عنها