استمتعو استفيدو انطباعي عن حائل واشياء اخرى

السلام عليكم ورحمة الله وبركاته


احسست بالملل والفتور اليومين الي مضوا من المنتدى لان اغلب الموجود منقول
ياناس اموووووووت ع كلمة حصري,,,
والبريد يكفيني فالرسائل التي في بريدي تزيد عن 15 الف رسالة
مابين عربية واجنبية وضحك وفرفشة وفائدة ومعلومة جديدة وجديد التقنية وووو
وفكرة المنتدى هي ان كل عضو يطرح مالديه من فكرة من رأي من موهبة من مهارة
والبقية من الاعضاء يؤيده يوجهه يعاتبه يوبخه...
متى ما تغيرت هالرؤية لم يصلح المنتدى ولم يكن ع الطريق الصحيح...
ماسأطرحه ليس تساؤل ولا بحث عن اجابة بل تجارب تستفيدون منها وخبرات ومتعة ومعلومات وووو


جتني دعوة لحايل بزنس ومناسبة بنفس الوقت
وحايل من زمان مارحت لها
وجت فرصة لكسر الروتين الي ذبحنا

سافرت لحايل لكن ما ادري ليش تخيلت العضو نعيم واقف عند مدخل حايل ومعه ورقه وقلم يسجل الملاحظات ياحبي له والله تعجبني امانته هالانسان ...


ت ن ب ي ه
رجاءً اقرأ الموضوع وعيونك مفتحة زين
لان كثييييير الموضوع اكبر من تفكيره ع طول يرد وهو مطفي النور وراح نعطيه اقنور حلو مثل وجهه

اندماجــ...
ح ب ن ي او ح ب غيري صرتي في عمري خيااااااااااااااااال

نبدأ ع بركة الله



احلى شكلت سويسري لعيونكم الحلوة احبه واموت فيه


ياهلافيكم والله وين ماكنتم وبأي زمان وبأي مكان حياكم الله ياهلا وياغلا
==================
240...

كنت قطعت وعد بأني لا اتعدى 120 كلم بالساعة للوالدة لكن بعدما ركبت الطريق واشتغلت السماعات اناظر السرعة ياساتر 240 يؤيؤ ومثبت السرعة بعد
بغيت اقش كذا عائلة من امامي ياربييييه هالسرعة مدري ليش احس مثل الدخان ادمان والله كنت متوقع الوصول الساعة 10 مساء جيتهم 7.45 مساء...
السيارة بين السماء والارض من السرعة !!!!
قبل الموعد المحدد بساعتين وربع كلها من السرعة ليت لو فيه حبوب بالصيدليه تخلي الواحد يكره السرعه قبل لايجيب العيد...
ياساتر استر...
==================
بنات حايل!!!!

كنت متوقف باالسيارة انتظر احد اصدقائي لكن لفت نظري امرأة تناظر وتقزززززز انا قلت اكيد البنت مشبهه علي تحسبني واحد من عياله او ربعه بغيت انزل من السيارة واقول كفاية ترا انا غريب هههه
المهم وقلت ممكن البنت مو مضبوطة بعدين رحت للسوق الا والنظرات تلاحقن استغربت مو اي نظرات نظرات حادة بعد متفحصة من فوق لتحت هههه انا قلت الوضع ماينسكت عليه كان معي اخوي مدرس بحايل وبينقل السنة هذي للرياض قلت وش السالفة البنات عندكم نظراتهم كذا والله خفت منهم ضحك علي وقال يمكن عشانك حلو خخخخخ في احد السنين جا واحد من الرياض وفاهم ان بنات حايل مثل الرياض مجرد ماتشوف نظرات مثل كذا معناه البنت معجبه فيك يوم شاف البنت تناظر صدق عمره الا وغمز بعينه مادرى الا وجاه علبة ببسي وسوت بصمة حلوة ع جبهته وتراهم عوب وجريئات وقويات لاتقرب لهم خخخخ
خلاصة الكلام وزبدته..
-اذا رحت لحايل وشفت الناس رجال ولا بنات يناظرونك عادي لاتفهم غلط خلهم ياخذون راحتهم ويقزقزون ع كيفهم ومايبون منك شيء مجرد شفاية بس << عكس الرياض
وهذ مو عيب ولاشي مجرد طبع تطبعو عليه...<<خايف لاينقز بوجهه احد
=================
لاتلعب مع الكبار...

صادقت شخص غني راتبه الشهري لايقل عن 42 الف شهرياَ وكنت انا وياه سمن ع عسل لكن مع مرور الزمن اكتشفت متأخراَ ان الانسان هذا مش ولابد...
خلاصة الكلام وزبدته
-لاتعطي اي احد وجه الا لما تتأكد من اخلاقه وتصرفاته ودينه قبل كل شيء ولا تقول انه انا كبير واستطيع امنع نفسي وافرق بين الصح والخطأ
لانه بتجي فترة وانت وثقت بالصديق المخادع هذا وتصدق منه اي شيء والله يحفظكم من كل مكروه.
-لاتحسب كل الناس مثل تفكيرك اخلاقك قلبك...
-لاتصير كتاب مفتوح >> يالله كم دفعنا ثمن طيبة قلوبنا كم؟؟؟
- اعمل اختبار للصدق يعني حاول تسوي اختبار صداقة وتشوف ردت فعله هو كفو ولا لا
مثلا انا دقيت ع اثنين من اخوياي قلت ابيك توديني المستشفى مع ان لحضتها ما ابيه لكن ابشوف رد فعلهم الاول قال مشغول..
الثاني قال خمس دقايق وانا عند الباب ياسلام....
الاول ماراح اخليه راح اعمله اكبر تجاهل وع قولتهم ازحلقه ..
الثاني كبر بعيني ولو يطلب ايش ما اقوله لا...
مثال اخر شاك ان خويك يكلم بنات دق عليه من رقم غريب هههه ياكثر مايسوونها ...
===========================
افضل مستشفى بالمملكة ...

يعتبر مستشفى دلة ومستشفى التخصصي الطبي من افضل المستشفيات ع مستوى الشرق الاوسط بشهادة منظمة تقييم عالمية...
واغلاهم...فيه اغلى وفيه افضل لكن المستشفيين متفوقين من نواحي كثيرة...
اقامة لمدة اسبوعين كلفت احد الزملاء 80 الف ريال = 22 الف دولار وان شا الله ماتحتاجون لهم ...
كذلك مركز الامير سلطان للخدمات الانسانية يعتبر الافضل في العالم للتأهيل...
امممم ويعتبر المركز البريطاني بالرياض الافضل بلا منازع لحالات الولادة للنساء...

===========================
باركو للعضو/ ة الالفية....

من اسوأ الممارسات والاشياء الي نشوفها بالمنتديات التبريكات بالالفيات انا من اشد المعارضين لها
لان فيه تشجيع لاكثار عدد المشاركات ع الجودة...
انا عندي في بعض الاحيان افضل عضو مشاركاته 100 ع عضو مشاركاته مليون ليش لان الي مشاركاته 100 حلوة وذوق
وتستفيد من ردوده وتستمتع بأي رد له...

===========================
خلو حريمنا تسوق...

اتمنى والله ان الحريم يسوقون السيارة بالسعودية
ليش نعارض فكرة قيادة المرأة للسيارة
متى يجي اليوم الي فيه المرأة تقود السيارة متى بس
لكن مو قريب تدرون ليش لسببين

1- البنية التحتية ضعيفة جدا حاليا اختناق وزحمة بدون قيادة النساء وعدم وجود وسائل نقل عامة باصات قطارات..
2-انظمة تضرب من حديد كل من يعبث وما عليه يسلخون لهم كم ضحية ويتوب الباقين ونعيش بأمن وأمان ...

لذا مستحيل يسوقن حريمنا بالوقت الحالي الله معكن...وربي ييسرها ان شا الله
=========================
زواج المسافر...

اتمنى اتمنى ان زواجي يكون عائلي وبفندق عالمي...
الى الان مافيه مشكلة

لكن بقيت مشكلة وهي العائلي
عند القبائل مستحيييييييييييلة
عائلي صعبة جداً
للتعريف بكلمة عائلي وهي ان الحضور مكون من البنت واهلها والولد واهله والمعارف القريبيبين وبس
يعني بسيط وسهل وحلو ويجنن وخفيف وهدوووووووووووء اموت ع الهدوء ياسلام والله

بصراحة تعقدت من الزواجات التقليدية...
اخوي بزواجه حضرت ناس من الخليج ومن كل مكان وزحمة وعالم وامم مدري من وين جت وازعاج مو طبيعي والناس مالقت كراسي تجلس ع الرغم من
اتساع القاعة التي كلف استئجارها لليلة واحدة 60 الف ريال = 16الف دولار كاستئجار للقاعة فقط دون الاشياء الاخرى...


كل مافي الامر الرغبة في الهدوء لا اكثر ...

ياميسر الامور يسر يسر...
============================

كنت اود قضاء معكم وقت اكثر لكن الجايات اكثر ان شاء الله
تشكرات للجميع عيال وبنات...


فراقـــــ
القوي ماتهزه ريح ومايصح الا الصحيح...


اتمنى الموضوع اعجبكم