للمتزوجين فقط ...... وش كاتب أسم زوجتك بجوالك

[align=center]صباحكم ورد انشالله
طبعاً موضوعي مو للي زي حالتي ( غير متزوج ) لا هالموضوع للمتزوجين

وأهديه للغالي وولد عمتي ( ابو منيف ) واقوله شخبار معرض الكتاب اللي بالرياض عساك شريتي كم كتاب ؟



هذا واحد مسميها ( يالله عسى خير) لأنها كلما أتصلت يقول بينه وبين نفسه : يالله عسى خير

واحد مسميها بالجوال محقق كونان

واحد من الشباب مسميها : " تعال للبيت" , شكل المدام واطيه في بطنه

وواحد مسميها النشبة السنعة

وعنده ثلاث عيال متقاطين على جوال مسميهم: المهابيل الثلاثة


وواحد يقول زوجتي مسميها في الجوال ( صاحب السمو الملكي)

وواحد مسميها ( هات )


وواحد ثاني اسم المدام راعي البقاله علشان محد يجيب خبرها لو انسرق أو تلقف احد يفتش بالجوال


وواحد يقول انه مسميها الشرطي وحاط نغمة دوريات


وواحد اخر يتحدث ويقول مسميها (حسبي الله عليك) حتى اذا ضاع التلفون ينخرش اللي بيلقاه


وواحد ثاني حالته حاله ايام الخطوبة (My Love)
اول ايام الزواج (الغالية فلانة)
لما جاء اول طفل (ام فلان)
بعد خمس سنوات (ام العيال)
الحين (لا ترد احسن لك)

وواحد مسميها (المقاضي)

اما واحد مسميها ( جمس الهيئة) شكله له سوابق

وواحد مسميها ( ودني لبيت اهلي )

وغيره مسميها (بسم الله) لا يكون داقه عليه جنيه وانا مادري
طبعا تختلف الاسماء حسب الحاله الجويه والنفسيه



[glint]أخوكم أبو غازي[/glint] [/align]